Nieges

In de Juni geev dat immer Erdbeeren –

Theoder in Corona-Tieden

Moin,ward mal wedder Tied för een Update to unse Projekt „In de Juni geev dat immer Erdbeeren“:Wi harn nu unse 2. intensive Provenwuchenenn in de Gastsstätte Friedensburg Löwenstedt. Dat is in de Coronatied een gute Möglichkeit, weil de Saal uns to Provenzwecke un naher uk as Speelsteed to Verfügung steiht. Opgrund vun de Oplagen hebb wi bi de Bühne al een gode Stück „anbuut“ un achten dor op, dat wi de Afstandsregelung in unse Inszeneerung beachten. Uns kummt de glückliche Umstand entgegen, dat wi dree Geschwisterpoore dorbi hebb, bi de wi de Afstand tatsächlich mal op weniger as 1,5m tolaten kött.Dat Stück is vun Birgit Bockmann eegens för uns un explizit op Löwenstedt toschreven un behandelt dat Thema Flucht. Dat is för uns wat Besunneres. Se föhrt uns as „Proven-Coach“ dör de Provenwuchenenden, in de Wuch proven wi alleen wieder un wogen för uns hen. Uk dat is för uns as Vereen een Novum, dat dor externe Regie mit uns arbeitet.Ganz lang al hebb wi mit de Gedanke spelt, wat op de Bühne to bringen, dat een Perspektivwessel wiest un de Situation, wenn man vun hier wechgahn mutt. Bit to Anfang vun disse Johr harn wi immer noch anner Projekte in de Gang. Nu aver schull dat losgahn.Denn keem Corona. Dat hett uns aver as Gemeenschaft blots noch mehr bestärkt uk disse Umstand to trotzen, so dat wi nu mernmang sind.Dor luert noch een Barg Arbeit op uns, wat de technische Umsettung un Kostüme, Requisiten angeiht, aver wi hebb een Masse Elan „unse Baby“ to Welt to bringen.Wi sind ganz optimistisch, dat wi ünner de Vöruutsetzung vun een stabile Umgebung in de Harvst Premiere fiern.

Segg dat nochmal un dat gifft en op de Twölf!

Theater-Workshop bi de Junge Lüüd

Sünnavendnamiddag Klock dree. Familien un Frünnen warrn glieks kamen un wüllt kieken, wat de Workshop-Deelnehmers siet Dunnersdag lehrt hebben.

Dree Daag hebben de Jüngsten vun de Junge Lüüd ut Löwenstedt, all twischen ölven un 16 Johr old, vun emme Ferien afknappst. Se wullen Bühnenkampf- un Zeitlupentechniken för de Insatz op de grote Bühne lehren. Op de Trainingsplaan stunn, wodännig man annern in de Hoor rieten oder en an de Ohren hauen kann un mit de Fuust oder Foot piesacken deit, ohne em  oder ehr wehtodoon.

Kerstin Thalmann, en professionelle Schauspelerin, wieste de Spelers eenfache Mittel un Tricks, um Zeitlupen- un Kampfszenen umtosetten. Bi lütte Gruppenarbeiten kunn sik jeder ok al twüschendör vun de Effekte un Wirkung op de Tokiekers övertügen. 

An’t Enn vun de intensive un körperlich orig anstrengende gemeensame Tiet kreeg en ganze Swung Tokiekers en spannende Werkschau to sehn. Bühnenkampf-Övungen worrn mit Improvisationsszenen un lütte Moderationen ut de Gruppe verbunnen un sorgten för vele Lacher. Toletzt wiesten de Spelers noch en Utsnitt ut „Romeo un Julia“, in de Bühnenkampf un Zeitlupe tosamen kemen. Mit Metal-Musik ünnerlegt un ganz ohne Text geev dat en interessante Kontrast mit de „Slow-Motion“-Dorstellung. 

Mit en gode Geföhl, grote Applaus un en ganze Barg niege „Warktüüg“ för de nächsten Stücken gung dat för all dorna platt un tofreden in´t Wuchenenn.